除黃油蟹外，還有六月黃上市，原來如果有運，由農曆六月，最遲至八月都可找到黃油蟹的影蹤。但六月黃，因生長關係，每年只可在農曆六月到七月初才可找到，這種「毛都未出齊的BB大閘蟹」，真是「錯失太易，吃得要合時，只差一線，不可等當造日子」。
記者：張一豪
攝影：譚盈傑、王文忠、伍慶泉
花蟹
夏天花蟹會不停進食，儲備過冬，所以肉質飽滿。
澳洲肉蟹
澳洲正值冬季，肉蟹過冬前要吃飽，所以肉質豐厚又鮮味。
阿拉斯加蟹
產自北美洲太平洋一帶，夏天開始肥美，9月至11月是高峯期。
六月黃 矜貴鮮甜
「浙江一帶有句俗語係忙歸忙，不忘六月黃，六月黃其實係西湖入面嘅小湖蟹，亦即BB大閘蟹。本來六月黃指農曆六月上市嘅隔年重皮蟹，即前一年投入蟹苗，第二年六月撈起蟹，打開蟹蓋可見一層內皮，皮下有蠟黃色蟹膏，因為蟹齡細，所以肉質又甜又鮮又嫩。不過真正六月黃產量少，需求大，概念已擴大到早熟、長大到一、二両重嘅即年細蟹。因六月會褪殼長大，身體儲埋唔少養份，所以蟹膏特別甘香，以年齡計秋季上市嘅大閘蟹算係中坑，六月黃就係青少年。」帝苑酒店東來順主廚陳師傅解釋，06年他憑「鶴湖蟹影」奪得香港美食之最大賞「炒」菜組至高榮譽金獎，因此對蟹黃、蟹粉菜式特別有心得，今年亦以六月黃為主題，製作幾個精美菜式。
砂鍋蟹粉雙檔$78/位
雙檔原來是麵筋和腐竹，以兩個不同質感食材做皮，包蟹粉再泡浸上湯，清中有鮮，鮮內帶甘、香。
蟹粉炒貓耳朵$148
蟹粉比較濃，配味淡的粉麵味道一流。這是手打貓耳朵，沾滿蟹粉，惹味！
六月黃焗鮮菇
配炸銀絲卷$288
野生鮮菌蓋上一層厚厚六月黃蟹粉，入口甘香但較膩，配炸銀絲卷增加口感。
東來順（27332020）
地址：尖沙嘴帝苑酒店B2
阿拉斯加蟹 星級三食法
西苑推介夏天當造肉蟹，首選阿拉斯加蟹，師傅話5斤以上的蟹就是成熟肥美的蟹，因為大隻有肉，只用一個方法做會有點單調，所以建議一蟹三食：蟹蓋、肉用來焗飯，蟹身用花雕蒸，爪用油鹽焗，原來這種食法，亦是成龍最愛之一。阿拉斯加蟹西苑約售每両$25，1隻5斤左右約售$2,000。
蟹蓋焗飯
以叉燒、蟹肉、葱等將飯炒香，放上芝士汁焗，蟹和叉燒味滲入飯內，加上芝士汁，好易食晒一碟。
花雕蒸爪身
阿拉斯加蟹啖啖肉，只是以花雕蛋汁去蒸，就可以突出鮮甜肉滑的一面。
油鹽焗蟹腳
條條蟹肉藏在腳內，只要上一點粉，炸完再用油鹽上湯焗，入口香口。
西苑酒家（28822110）
地址：銅鑼灣利園二期一樓101-102室
花肉靚蟹 平民價
六月黃、黃油蟹矜貴，亦有人會嫌貴，平民百姓要啖靚蟹，亦有不少選擇，土瓜灣豪苑酒家，外觀雖然毫不吸引，且有點地踎味，但由大廚新哥助陣的廚房，出品絕不失禮，採用花蟹跟澳洲肉蟹，蟹肉飽滿鮮美，加上價錢公道，係平民百姓的至佳食府。
貴妃蟹$168（約8両）
用玫瑰露餵飽隻8両花蟹，蒸至八成熟，用蟹汁加蛋黃及玫瑰露，以烏冬做底，一同將蟹蒸熟，好味到癲！
亁逼澳洲頂肉蟹
$168（約斤半）
以亁葱、薑葱等食材爆香後，再連一隻澳洲頂肉蟹一齊放入沙鍋內用熱力逼熟，開蓋時仲香氣四溢。
豪苑酒家（23636433）
地址：九龍紅磡碼頭圍道108號
食蟹講季節
大廚新哥話一年四季都有蟹食，但春天最啱食奄仔蟹，因退殼，會有重皮而多膏；夏天食六月黃、黃油、澳洲肉蟹、阿拉斯加蟹等；秋天必食大閘蟹；秋、冬食膏蟹。最差是4月繁殖期，蟹肉會變水變削，即係水蟹，無肉食。
