早幾年曼聯出過「黑雙煞」高爾同約基，原來我哋中國都出咗「黑雙煞」孫祥同孫繼海，不過此「黑」不同彼「黑」。繼孫祥早排喺球會奧地利維也納擺烏龍之後，嗰股黑氣唔知係咪過咗畀孫繼海，搞到老孫第一次幫錫菲聯踢友賽，即兩黃一紅被罰離場，好彩球會最後都贏比乙嘅泰尼恩3:1。新加盟錫菲聯就賴嘢，睇嚟唔多唔少影響佢今季正選機會。