摩連奴執教國米後，前日首次帶隊操練，佢重申對4-3-3情有獨鍾，今季會沿用。當有人問佢點樣治軍，佢答：「球員個個都係百萬富翁，罰佢哋錢得啖笑，總之邊個唔守規矩，邊個就準備返屋企或者坐冷板。」跟手又串宿敵AC：「佢哋咁多年最出色嘅教練係沙基，但成就都唔及我，但佢嘅足球都冇我咁精采。」牙擦成咁，同撩交打有咩分別？