前排聽雲格講話阿仙奴係sellingclub，每年都要高價賣走啲球星填番起球場嗰條數，原來咁都唔止呀，我求大俠收到風，阿仙奴新一季嘅季票要加4.5%，最平都要925鎊（約14,800港元）一張！阿仙奴解釋話已經3年冇加價，加上佢哋嘅季票可以睇埋歐聯，所以係會貴啲咁話。咁講又好似有道理，各位阿仙奴球迷，係時候伸出援手喇！