繼首間YokohamaADVANShop喺06年於港島區開業後，位於九龍嘅首間ADVANShop亦於日前正式開幕；新店位於土瓜灣鄰近高山劇場，並以落地大玻璃設計，內裏色調亦以ADVAN徽章嘅紅黑兩色作藍本，好讓顧客可以輕鬆睇清楚店內展示嘅新款Yokohama輪胎外，亦能感受到ADVAN嘅高性能格調。此外，店內亦特設Yokohama同ADVAN精品嘅展示專櫃，等車迷喺買輪胎嘅同時，亦可以買到最新嘅紀念品。Yokohama海外市場及銷售部部長伏見隆晴，日前更特別來港出席新店嘅開幕禮㖭！
此外，為慶祝全新ADVANShop開幕，由即日起至8月15日，大家只要喺香港嘅指定Yokohama輪胎經銷商選購全新ADVANSport或ADVANS.T.輪胎四條，即可獲贈ADVAN限量八達通卡一張，而喺ADVANShop買的話，仲會額外送你運動毛巾一條，不過禮品數量有限，想將之據為己有的話就要快手啦！
記者、攝影：鄭達基