雖然拜仁上季係德甲同德國盃嘅雙料冠軍，不過我求大俠奉勸大家季初唔好對佢哋期望咁高。事關中場靈魂列貝利喺歐國盃之後接受完手術，𠵱家又要再進行一次手術，拎走鑲喺腳眼嘅鋼片，預計再要唞多8星期。唔單止咁，東尼話球隊陣容未夠班去挑戰歐聯，高路斯又話歐國盃輸波仲未恢復到信心。拜仁咁亂，季初又點會打得好？