張可頤、葉翠翠及施念慈等昨日於尖沙嘴為「傘熱」擔任嘉賓，葉翠翠自買入三千萬豪宅後負面新聞不斷，更有報道指她全因搭上廣州金葉子度假村的富豪老細，葉翠翠說：「之前係合作過拍廣告，之後都冇聯絡，唔關事。」
「又冇影到相」
葉翠翠直言入行以來未有人邀請出席飯局，她說：「最重要係自己開心，公司份糧夠我全家人用，而且我仲有投資。」她表示目前未有男友，亦不怕嚇怕追求者，對於報道有被富豪包的字眼，葉翠翠說：「我唔驚！總之自己冇做過，係咪俾人包呢樣嘢係冇得呃人，又冇影到任何相，所以都唔會介懷。」
同場的張可頤被問到可會向「港姐股神」葉翠翠請教投資心得時，她說：「等我了解吓乜嘢事先再答你哋。」此外，施念慈昨日帶同年輕男友到場出席活動。
採訪：王崇穎
攝影：陳順禎