早前車路士球隊入面舉行飛鏢大賽，點知自稱第一次玩飛鏢嘅史高拉利一啲都唔失禮，最後得到全隊第3名，只係輸俾兩大蒲精泰利同祖高爾，其他人仲讚佢好有玩飛鏢嘅天份！史高拉利嚟咗史丹福橋冇耐已經同班球員打成一片，而布歷治近期仲喺操練搏晒老命，史高拉利即刻開一份8萬鎊周薪嘅4年新約畀佢，認真識Do。