兩年前一覺醒來，阿琪（44歲）就像身處一個截然不同的世界。突然中風的他，自此不能工作，需依靠綜援生活。他最逼切的願望，是擁有一部雪櫃冷藏食物，以節省開支，並有一張完好的床褥讓他安睡。只是數千元的雪櫃及床褥費用，他根本負擔不來。
阿琪原籍上海，20多年前來港後，從事地盤工作，雖然薪酬不高，但總算自食其力。他早年曾在上海結婚，不久與前妻仳離，現年15歲的女兒由前妻照顧。三年前他於深圳與在服裝店工作的現任妻子結婚，兩人雖分隔兩地，但無損感情，只是萬料不到原本身體壯健的他突然中風。
一份綜援兩個人用
「兩年前有一日，喺大陸突然覺得唔舒服，即刻返香港睇醫生，點知喺羅湖過關嗰陣暈咗。醒番喺醫院，講唔到嘢，右邊身完全郁唔到，醫生話我中風。最初嗰陣乜都唔得，冲凉、食飯、大小二便都做唔嚟，真係好凄凉。係得醫生寫紙，我太太先至可以攞雙程證落嚟照顧我，唔係都唔知點算。」
經過兩年診治，阿琪的病情雖有進展，但行動仍不便，且頭頸和腰背不時疼痛。除身體承受痛楚，經濟壓力也令他疲於奔命，「結婚後配到公屋，積蓄用晒嚟裝修，跟住就出事。做唔到嘢，惟有靠綜援，太太又唔可以喺香港做嘢，一份綜援兩個人用，好吃力，屋企啲嘢爛都冇錢買。個雪櫃前一排突然有火花，我唔敢再用，想雪住啲餸留番第日食，慳啲錢都唔得；張床褥又凹晒，我背脊承受唔嚟，瞓得好辛苦！」阿琪苦惱地說。
蘋果日報慈善基金得悉阿琪苦況，已安排撥款4,100元為他購買雪櫃和床褥，他十分感激基金援手。
捐款編號：C2582
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.atnext.com