「呢個病雖然唔會死人，但係呢一世未必好番!」自幼患上拇趾外翻的18歲少女阿祺，受腳患困擾多年，除了身體上的痛楚外，還要承受疾病帶給她的自卑及離群性格。早前她得悉港安醫院有一項韌帶聯合術有助病情，可是卻欠缺所需的5萬元治療費，她日夜盼望，不知何時可接受手術擺脫這擾人的病患。
曾做手術無改善
生長在單親家庭的阿祺，自幼父母仳離，由母親獨力撫養成人。年幼時，她每當玩耍或做運動時，無論氣力及腳力，均較同伴遜色，步行不足半小時已感異常辛苦，腳痛更令她減少社群生活，寧願留在家中。「後嚟去睇醫生，原來我係患咗遺傳性拇趾外翻，我好少同人講我有呢個病，擔心講出嚟唔知人哋會俾咩反應。又唔想對方同情我，所以唔講好過講。」
內向性格令阿祺朋友不多，加上她每步行半小時便要休息，故她寧願留在家中，故常常被人指不合群及古怪。阿祺為了不讓別人識穿她這腳患，即使忍痛也要扮作若無其事，內心的痛苦無人能體會。她慨嘆：「好多人以為呢個病係後天着高踭鞋造成，唔知係有天生。」
由於阿祺與單親的母親張女士僅靠2千多元綜援金生活，即使知道港安醫院有一項韌帶聯合術，在毋須截骨下改善拇趾外翻情況，卻無力負擔。「我曾經喺政府醫院做過手術，但係病情無改善，我去港安照過X光，醫生都話我適合做呢項手術，即使減收費用，仍然要畀5萬幾蚊，我哋根本冇能力畀。」
早前本報報道阿祺情況後，獲讀者捐款7千多元，仍不足以支付手術費。阿祺盼善長助她完成心願。「我讀緊專上學院嘅電腦課程，日後仲有一條好長嘅路要行，我希望可以腳踏實地正常咁行路。」
捐款編號:C2564
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.atnext.com
蘋果日報慈善基金接收捐款戶口
恒生銀行：368-006565-001
中國銀行：012-898-00067655
滙豐銀行：580-198836-001
渣打銀行：447-0-667059-3