美股跌勢不止，美國樓市搞到金融市場大混亂，目前市況炒股認真難，不過也非全無機會，例如煤炭股就在近日跌市中展現強勁的抗跌力。據《上海證券報》報道，作為全國煤炭價格晴雨表的秦皇島煤價已連升10周，突破每噸千元關並再創新高。
業內人士表示，內地煤炭市場短期供需矛盾嚴峻，加上市場炒作、囤煤等其他因素，煤價何時見頂難以預料。正是由於某程度代表市場價格的秦皇島煤價升勢難止，發改委於月前已曾出手，調高成品油及電價同時，限制全國發電用煤出廠價，直至年底不得超過6月19日結算價，即設定價格上限。
限價對盈利影響不大
政策一出，煤股即時捱沽，不過好快就止跌回穩，尤其兩隻以銷售現貨煤為主嘅兗州煤業（1171）同恒鼎（1393），由發改委公佈至今都冇乜點跌。
大行普遍認為，限制煤價對煤炭股盈利影響不大，只會令政策風險增加，影響投資氣氛。
瑞銀表示，維持對兗煤Ｈ股買入的投資評級，目標價為27.31元；至於花旗亦維持對兗煤Ｈ股買入投資建議，目標價為17.60元。花旗相信，新措施對兗煤盈利的影響輕微，認為兗煤為環球煤股中價格最為便宜，因此仍是煤股中之首選。
事實上今年首5個月煤價已累積上升30%，為電煤設定上限價，相等於鎖定了煤企利潤，總好過加啲乜嘢資源稅、暴利稅、電煤稅等等，見過中石油（857）慘況，中央唔會再亂嚟啩？