話咁快，2008北京奧運仲有唔夠一個月就舉行，亦即係話喺香港舉行嘅馬術賽事都會快將揭幕，大家係咪等得好心急呢？我車報員就係啦，不過有樣同呢項盛事有關嘅嘢，反而搶閘俾大家先睹為快喎！係咩？咪係奧運官方車隊首次喺香港亮相囉！
喺距離2008北京奧運揭幕不足一個月，Volkswagen特別喺佢哋位於灣仔嘅VolkswagenHongKongCentre，舉行咗簡單而隆重嘅交車儀式，將180部於奧運馬術賽事舉行期間，充當護送專車嘅Passat、PassatVariant同Touran，移交予奧林匹克運動會馬術比賽（香港）有限公司行政總裁林煥光。唔講唔知，Volkswagen除咗為大會提供180部護送專車外，更會為佢哋提供相關嘅維修及保養服務，另廠方亦會提供超過5,000部車參加聖火傳遞活動，以及奧組委喺奧運會舉行期間嘅官方用車。咦，咁即係話連Volkswagen喺今次奧運會上，都可以同大家一齊高唱「WeAreReady」囉！
記者：車報員