哥斯達古達啱啱考到全職教練牌，我求大俠都好有興趣想知佢下季會去邊度教。前排意乙球隊比薩就去搵「達叔」教波，點知俾佢請食檸檬！哥斯達古達出嚟解釋番話，𠵱家老婆同個仔先係佢生命中最重要，想留多啲時間喺屋企做住家男人喎。雖然屋企人聽到呢番說話一定好冧，但係哥斯達古達唔出去搵食，咁旨意邊個開飯呀？