鍾嘉欣昨日在柴灣為一個補腦補情緒的食品拍攝廣告，她表示入行初期曾情緒困擾，差點患抑鬱症，更有自殺念頭，她說：「以前同屋企人喺加拿大住，之後選咗華姐，頭三年喺香港孤伶伶，工作壓力大，冇原因都會喊，後尾先知唔可以逃避，𠵱家先識得放鬆。」她又表示由於想得太多，曾想過自殺，她說：「只係會諗，但唔會真係做呢樣嘢。」
交男友隨緣
初入行的鍾嘉欣，經常被評演技一般，問到是否太多批評而不開心，她說：「最初嚟香港，發現香港人講嘢比外國人更直接，有時唔知佢哋講真定講笑，唔識同人溝通。𠵱家開始識得信任人。」記者提議她找個男友照顧自己，她說：「呢啲要隨緣，暫時未搵到。」
採訪、攝影：王連連