上個星期，任總表示恒生指數每跌1000點，即相當於外滙基金錄得60至70億元的重估收益或虧損。朋友文仔當時身處思哲的辦公室，聽罷他整個人彈起說：「哇！咁即恒指每跌1點，香港人就唔見600萬至700萬元呀？」
「你都可以咁計嘅。」我回答。
「任志剛人工咁高，咁嘅表現我覺得唔可以收貨咯！」文仔半帶激動說。
「以佢嘅人工，又真係連伯南克都追唔上……」
「有冇搞錯呀！香港奉行聯繫滙率，佢邊有外國央行行長咁多嘢做吖，𠵱家仲要學人炒燶股票，輸晒我哋啲血汗錢！」
股無百日紅
我還未來得及說，伯南克在央行行長之中，人工其實不高，例如歐洲央行行長特里謝，是伯的兩倍多，另外挪威及瑞典的央行行長，也高於伯南克。
此時，公司的女股神秘書寶兒，忍不住搭訕：「Hey，唔好咁啦，恒指今年以來都跌咗差不多四成，股無百日紅呀。」細問下，原來文仔不曾投資股票。「跌少少你就騰啦，後生仔點可以輸唔起㗎。」經歷過不知多少次金融風暴的掃地阿姐，亦忍不住要說一下。
畢菲特最近與一家對冲基金對賭：畢願意出100萬美元，以扣除費用後的成績計算，賭標準普爾指數基金在未來10年，將勝於任何對手挑選的10家對冲基金。10年後，勝方將贏得的100萬美元捐予任何一家慈善機構。
指數基金成本低
畢菲特之所以胸有成竹，因他相信管理對冲基金的一群「醒目仔」，他們在投資者身上施加的費用，將吃光所有潛在利潤，因而低成本的指數基金，長遠而言，成績必定勝於組合型對冲基金。
然而，畢菲特始終是西人，香港人從來都不介意醒目仔賺大錢。再說，在香港地通街是炒股的醒目仔，年初至今，任總的苦處誰不感同身受，誰不體諒？
網誌： http://wanszezit.wordpress.com/
電郵：mailto:[email protected]