林柏特呢單轉會吹完又吹，連兩位前阿仙奴球員都忍唔住加把口落去。踢過國際米蘭嘅伯金就話意甲一定唔啱林伯，因為意甲球隊成日一味求和，完全冇癮嘅。不過𠵱家仲喺國米嘅韋拉就覺得意甲防守夠嚴密，對於林柏特嚟講好有挑戰性，一定要嚟試吓咁話喎！伯金同韋拉講嘅嘢都有道理，我求大俠如果係林伯都唔知聽邊個好囉！