廖碧兒和陳豪分手後，前晚她以及肩新髮型亮相，回復單身後的她似乎桃花旺盛，繼日前被影到和猛男約會後，昨日又有消息指她和鄧永鏘妹妹鄧霓儀密會，廖碧兒表示絕對不會因為報道而遠離一班好友，無論男或女，會照樣約會消遣。
廖碧兒和蕭正楠前晚以「奧運之星」身份，與一班歌手薛凱琪（Fiona）、關心妍、賈曉晨、王君馨及周家蔚等，在將軍澳電視廣播城演出《南區同心迎奧運》。只見廖碧兒剪了一頭及肩的新髮型，問她是否因和陳豪分手而剪髮絲？她笑說：「我都聽人咁講過，但我都剪咗一段時間，其實係因為夏天先剪，我都未試過咁短，新形象有新鮮感。」
極力維護圈外好友
昨日有報道指廖碧兒搭上鄧永鏘妹妹鄧霓儀，不過前晚她搶先自爆這段緋聞，她說：「我知道俾人影咗相，總之男定女嘅朋友我都唔會回應，呢排寫到我感情生活好豐富，又男又女，不過我唔會避忌，一樣會四圍去，不過希望唔好寫我啲朋友，佢哋唔係圈中人，唔想自己事影響人哋，但我又唔可以冇朋友，所以我會照出街。」碧兒又笑稱自己有五隻狗相伴，故不愁寂寞。
鄧霓儀昨日到尖沙嘴出席活動，被問到廖碧兒是否找她買錶，她笑說：「梗係冇，邊個廖碧兒？」及後再指兩人被影到同場，鄧霓儀才承認兩人早前在活動上認識。對於先後和張可頤及廖碧兒傳出斷背緋聞，會否覺得對自己不公平？鄧霓儀說：「我都慣。」但她拒絕回應有關跟陳豪爭廖碧兒，不過她大讚廖碧兒很好人，問到廖碧兒可有向她要求買錶優惠，鄧霓儀笑說：「佢唔會做呢啲嘢，佢唔會咁cheap。」
關心妍拍拖要保密
關心妍的感情生活同樣獲關心，早前她被影到和緋聞男友楊長智拍拖放狗，她笑說：「佢係好朋友，慢慢嚟，我都唔急，唔好嚇親人，再嚇走就冇人要。」至於媽咪有沒有見過男朋友？關心妍坦言雙方吃過飯，但只是普通聚會，絕非傾婚事，她更表示拍拖不會公開，至結婚才會公佈。
採訪：何慧斯、魯萍
攝影：黃偉雄、葉君海
人物誌：鄧霓儀曾密交張可頤
43歲的鄧霓儀是已故富豪鄧肇堅爵士孫女，在家排行第四，打扮中性，胞兄為「上海灘」創辦人鄧永鏘。鄧霓儀03年到胞兄與林建岳合資的Cipriani意大利餐廳任行政經理，翌年結識藝人張可頤，二人一度成為閨中密友，有指鄧霓儀曾豪買13萬多元一對的FranckMuller情侶錶送給可頤，至06年兩人逐漸疏遠，今年張可頤更另覓財經界男友曾安邦。
