名模周汶錡（Kathy）第四本旅遊飲食書，將於書展面世。她今次趁奧運熱介紹北京的飲食享受，日食六、七餐外，還登慕田谷長城、看京劇、學拉拉麵、在798藝術區嘆茶等，大讚北京的新舊文化風貌，在傳統中蛻變摩登，越來越有性格。
名模周汶錡主持旅遊、飲食節目經驗豐富，更曾獲香港旅遊發展局邀請，為上海市旅遊局宣傳香港。過去幾年書展，Kathy都會推出旅遊飲食書，繼香港、台灣、上海之後，第四本旅遊書，選了今年熱爆的首都北京，介紹北京飲食玩樂的《享．樂．北京》
新舊文化自由行
Kathy與所屬的模特兒公司IconModel合作，上月初花了大約兩個星期，體驗北京新舊文化色彩。她謂去過幾次北京，之前一直感覺陌生，今次卻讓她有新體驗，她說：「我第一次去係10年前，當時剪咗個齊蔭頭，今次去又係剪一樣嘅頭髮，好得意囉！今次去，感受幾深，覺得北京係個好有內涵、值得細意玩味嘅地方，我喺路邊行，馬路又闊又大，兩旁高高嘅樹，好有巴黎、歐洲嘅舒服風情。」
遊走北京著名景區如天安門、王府井外，Kathy又暢遊由傳統舊文化演變的新區及新玩意，如她在798藝術區嘆下午茶、在胡同的南鑼古巷購物，更遇上巴西女歌手BanielaMercury等，她還首次看京劇《白蛇傳》、登上慕田谷長城、學拉拉麵等，Kathy笑說：「行到我索晒氣，不過個景真係好靚，同埋遊客唔係咁多，幾幽靜。」
胡同被拆感可惜
Kathy續說：「拉麵呢，睇師傅整就容易，自己拉都要技術，好彩整嘢食呢樣嘢我都OK，冇俾佢難到。」她大讚北京是個有性格的城市，可惜看到當年的胡同大量被清拆，渴望北京在發展的同時，仍能保留傳統美麗的一面。
採訪：DebbieLum
為食女星書展鬥法
徐淑敏
甜品食譜《和味濃情》
袁彩雲
第四本烹飪書
黃麗梅
《鮮入為煮》
黃翠如
《40日環遊世界》
資料來源：《蘋果》資料室
