花旗股市上個禮拜五插過兩百幾點，之後收復失地又再跌過，房利美同房貸美嘅財困未解決，又有大型按揭機構被聯邦政府接管，花旗嘅信貸危機冇辦法令人放心，道指今晚守唔守到11000關真係好難講。港股過去幾日做番好啲，主要靠H股撐實，如果道指11000失守，港股好可能會掉頭下挫，大家短炒要謹慎啲。
新地C輪13802：新地（016）上周五報收114.4元，升2.6巴仙，技術走勢好番好多，短線睇123元，可以買啲C輪13802短炒，上周五收76仙，有效槓桿6.2倍。
正股升上123元，13802可見1.16元，正股跌穿110元，就沽咗隻輪止蝕。