滙豐（005）前環球資產管理董事兼機構業務亞太區主管區景麟，喺獅子行打咗11年工，但天下無不散筵席，佢將會喺9月過檔對冲基金公司FinancialRiskManagement（FRM），擔任香港辦事處嘅行政總裁，管理亞洲（日本及韓國以外）嘅業務。
區景麟有多年基金管理經驗，現時仲係香港證券專業學會主席，之前出任過香港投資基金公會主席，今年仲獲曾特首頒授榮譽勳章。
至於區景麟喺獅子行嘅位就由康栢進（PatriceConxicoeur）接替，康氏喺獅子行比區景麟做得仲耐，效力獅子行16年，之前喺日本工作，04年先至派駐香港，嚟緊相信有唔少曝光機會。