C朗留喺曼聯定去皇馬呢單嘢，我求大俠都就快講到口臭。不過唔好忘記，𠵱家C朗啱啱做完手術，最近葡萄牙國家隊嘅軍醫話佢至少要唞3個月，C朗最後就算喺曼聯或者皇馬都好，季初一大段時間都唔踢得。曼聯嗰邊仲慘，上季球隊作客車路士原來有手尾跟，有傳後衞里奧費廸南因為打交可能俾人罰停4場同20萬鎊，如果冇埋佢季初都幾難捱！