下月踏入39歲的鄭嘉穎，無論體形與外貌都保養得宜，近日他忽然瘦面回春，眼角魚尾紋減少，外形比實際年齡年輕得多。難怪他對拍攝《烈火雄心Ⅲ》露健碩肌肉甚自豪，昨夥鍾嘉欣出席活動，更得戚自誇擁黃金比例身形。
鄭嘉穎近日拍攝無綫新劇《烈火雄心Ⅲ》，大熱天時穿上消防衣拍戲，有如焗桑拿，雖然體力消耗大，但練得一身健碩腹肌，他更自誇已擁有黃金比例身形，嘉穎昨在銅鑼灣出席活動時說：「以我年紀好滿意𠵱家身形，最難係練腹肌，不過都練到有六嚿，個胸就唔使太大，早排見番啲舊同學，有啲有大肚腩，有啲就脫髮，不過佢哋都係專業人士，大家工作性質唔同，如果我唔keep好個樣就冇得撈。」
觀眾認同長做長有
下月滿39歲的嘉穎近年越變越靚仔，以前他面方鼻扁，眼袋又大；但近日他卻神奇回春，眼袋變細面變尖，眼尾魚尾紋減少，昨天他現身宣傳活動，拍在比他年輕十多歲的鍾嘉欣身旁也毫不輸蝕，確實稀奇，毋怪乎他信心十足，自詡比同齡人士後生。
提到吳鎮宇日前接受電台訪問，指拍《衝上雲霄》時，有合作女對手跟他表示在無綫拍劇要靠關係而非靠演技，嘉穎卻反駁鎮宇說：「唔係喎，我唔係十分認同。演員要得觀眾認同至長久，如果靠關係，最多一、兩部劇就冇，要長遠發展都係靠自己實力先可站穩陣腳，一間咁大機構唔會咁玩法。」
搵男友度腰當情趣
同場的鍾嘉欣擔任減肥藥代言人，獲大會以「完美黃金比例身形」形容她，鄭嘉穎更為她度腰圍。原來嘉欣的腰圍只有24吋，她表示一個月前腰圍是25吋，她笑說：「將來有男朋友，大家可以互相度腰都幾得意，有情趣又sweet」。
採訪：魯萍
攝影：陳志嵐
