民主黨為咗幫即將參選立法會嘅兄弟增加人氣，最近請咗個專業導演，拍咗個可能係香港政黨史上，最多特別效果嘅MV。四個「第二梯隊」成員張賢登、黃成智、甘乃威、胡志偉早前仲返大陸取景，表達民主黨希望同中央溝通嘅良好意願，算係幾有噱頭。
民主黨主席何俊仁話，民主黨除咗呢個MV，近排仲度出「有事都係要搵民主黨」呢句新口號，但佢唔認為呢句嘢，同公民黨早前嗰句「好在仲有公民黨」有關。大家如果想睇睇民主黨呢個《闖出新世代》嘅MV，可以去 http://www.youtube.com/watch?v=jqht9jyJf5k。