祖雲達斯好興招攬意大利公敵，以前查斯古特、伊巴謙莫域站得住腳，但啱啱由西維爾加盟祖記嘅丹麥中場保臣就唔同，佢04年喺歐國盃挑釁托廸令對方「放飛劍」，意迷怒氣未消，而且佢名氣唔大，難怪前日投入祖記操練，即刻有球迷掛起「可笑，保臣只係另一個廢柴」嘅橫額「歡迎」佢。保臣話有信心爭取表現令球迷改觀喎，拭目以待。