澳博（880）上個禮拜五上市唔成，嚇親唔少認購新股兼中籤嘅散戶，雖然如無意外嚟緊嘅禮拜三可以上市，但散戶都有得揀，想撤回申請「褪軚」都仲得。咁啲散戶點決定呢？
網友boboxy喺香港討論區話：「我抽好多手，一定要撤回！」abcde1974都係，「抽咗唔少，撤回晒啦。心血少，呢啲錢我賺唔起。」最搞笑係Twemco，話「Sinkingship...Ijumpevenyoudon'tjump」。
mic062006話：「十姑娘搞搞震。」qqstock樂觀啲，「好在𠵱家有得退，唔退就假啦！」逆旅睇法唔同，「豈不是要多謝十姑娘。」elmoland補充：「遲啲你就知十姑娘想救你。」
有網友唔係咁睇好澳博love999years覺得，「買澳博等於買大細，同何生對賭，九死一生。」但hkterry1一於唱反調，「我想回收各位嘅退票，以3.15元收購。」