緋聞男女劉浩龍和鄭融前晚一起出席沙田奧運馬術賽宣傳活動，儘管二人一直不肯公開戀情，但劉浩龍談及鄭融換了一頭紫紅色短髮的新形象時，竟自爆跟女方「朝見口晚見面」，以及知道對方留了四年長髮，今次他可謂「鬼拍後尾枕」不打自招。
沙田區2008奧運馬術比賽推廣委員會及新城等，前晚在奧運馬術比賽場地舉行「沙田迎奧運─青少年暑期活動晚會」，順道為下月奧運馬術保安等工作進行預演，演出歌手包括陳曉東、薛凱琪、鄭融、劉浩龍和黃伊汶等，前晚才知悉表演場地將舉行奧運馬術的薛凱琪說：「覺得好光榮，一陣唱歌時要好好感受一下。」
剪了一頭短髮並染成紫紅色的鄭融，前晚與緋聞男友劉浩龍同場出現，對近日分別有報道指他們已分手及仍在一起，劉浩龍笑說：「自己都好亂，由得大家撲朔迷離，我唔答有定冇。」但被問到對鄭融新髮型的看法時，他竟鬼拍後尾枕說：「點都係靚㗎，唔通講唔靚呀？大家朝見口晚見面。」
大讚新髮型好睇
記者即追問劉浩龍是否每天跟鄭融見面時，自知「衰咗」的劉浩龍即狂兜說：「𠵱家係宣傳期，成日喺宣傳活動見到，總之佢長（髮）又靚短又靚。」再問到鄭融是否長髮為君剪？劉浩龍竟再次鬼拍後尾枕說：「我又唔係叫劉浩君，佢把頭髮留咗四年，都要有新鮮感。」被指對鄭融的一切相當熟識時，他有點不知所措地說：「可能唔止四年，可能出世留到𠵱家。」
之後鄭融應記者要求與劉浩龍合照時，她竟面紅紅表現尷尬，提到劉浩龍讚其短髮好看，鄭融冷淡地說：「多謝晒。」問她何以反應如此冷淡？她說：「開心與唔開心唔使做畀大家睇嘅。」
此外，劉浩龍和鄭融昨日再出席同一個港台職安活動，但二人分開到場未有碰面。問劉浩龍是否刻意前後腳到場，他說：「冇喎，我係劉大方，噚晚都合照咗啦！今日又唔係玩二人三足。」
採訪：何慧斯
攝影：黃偉雄
