葉翠翠和林峯昨日到MegaBox為「Panasonic高清迎奧運」活動擔任嘉賓，吸引大班市民圍觀。雖然香港以高清數碼廣播已有一段日子，但原來二人家中的高清設備仍未齊全。
林峯家中撐劉翔
快將搬進新居的葉翠翠，打算入伙後才更換高清電視，她說：「屋企都要兩架電視，出去睇過都幾貴，要幾萬蚊一部，如果今日大會送畀我就好啦。」她又提到近日為佈置新居，出入都要與狗仔隊鬥智。
林峯則打算於奧運前更換家中電視，他說：「去唔到現場睇奧運都可以頂住先，喺屋企都可以支持劉翔。近排唔使拍劇，終於可以做運動，𠵱家仲錄緊第二隻碟，做奧運大使同埋《溏心2》都要成日宣傳。」
採訪、攝影：藍文浩