「珍珠」自從離咗婚之後，就同乖仔「正經」相依為命，珍珠仲去到邊都帶住正經，好似驚死佢會識到壞人咁款。
索女彈開
事實上正經一直畀人印象係好乖仔好聽話，講得難聽啲就係裙腳仔，不過其實大家都係畀佢嘅外表呃咗，唔少鍾意夜蒲嘅朋友，都爆料畀關仁知，其實正經好鍾意去夜店識女仔。
正經向來自以為好靚仔，加上又係珍珠個仔，諗住會吸引唔少飛來蜢舂個頭埋去，聽聞佢有次同埋朋友去夜蒲，見到有班索女喺度，佢就一支箭咁主動走埋去，自我介紹諗住同班索女玩埋一齊，之後佢仲想用部手機搵人影親密相兼交換電話，點知班索女一見到佢就唔開胃，立即全部彈開晒，搞到佢當場𤓓爆！佢班老友見到咁嘅情況都忍唔住喺背後偷笑佢，呢啲咪就係叫自己攞嚟瘀囉！
Textby關仁
