吳啓華、陳秀雯、張文慈、蘇杏璇、陳啓泰及蘇永康等，昨日於大埔亞視總台出席新劇《法網群英》記者會。吳啓華對於太太懷孕感到很緊張，他說：「太太預產期係12月，到時都會留喺北京生，佢心情又冇乜嘢，都係成日行街，不過都有好似一般孕婦咁想食嘢。」啓華表示與無綫仍有合約，拍《法》劇前已通知無綫，他說：「我係幫鄧特希拍嘢，所以同無綫冇牴觸，佢最後賣畀邊度我理唔到。」
無懼激嬲無綫
屬自由身的蘇永康表示不擔心無綫小器，他說：「陳志雲係大師嚟吖嘛，唔會咁小器㗎，我今次係簽鄧特希拍，唔知佢會攞去邊度播。將來TVB搵我，劇本好我都會拍，小器嘅時代已經過咗。」此外，久未拍劇的蘇杏璇消瘦不少，她表示自00年起因患糖尿病，故消化系統較難吸收。
採訪：王崇穎
攝影：陳俊強