張文慈、呂晶晶、張家瑩同萬綺雯等22位亞視藝員，噚日齊集亞視大埔總台，招待22位嚟自四川嘅學童，一班亞視藝員仲做埋導遊帶領學童四圍參觀錄影廠同新聞部，又即場參與兒童節目《有腦E班》嘅錄影，同佢哋一齊學魔術，可能受到學童感染，連藝員都表現得如大細路一般。學童離去之前一班藝員仲代表亞視向佢哋送上小禮物留念。