王喜及鄭嘉穎昨天於香港仔拍攝無綫劇集《烈火雄心III》外景，該幕講述做救護員的王喜抵達交通意外現場救傷者，王喜被消防員責怪救傷太慢，鄭嘉穎幫忙解畫。這幕戲幾可亂真，出動了消防車、救護車和數位傷者，加上有很多人圍觀，及有真警察路過巡視，令一些市民以為真的發生了交通意外。由於拍攝位置在馬路旁邊，有車輛經過時風馳電掣，十分危險。《烈III》還有很多危險場面需要拍攝，如山泥傾瀉、撞車等，問王喜可有加重保險？他說：「加咗啦！不過主要係因為上次去完西藏而加。」
不斷喝水
此外，最近天氣酷熱，鄭嘉穎未埋位拍攝已大汗淋漓，就算坐在一旁仍不斷流汗，要不斷喝水補充水份。嘉穎說：「我係一個汗人，所以拍呢套劇一定會瘦。呢啲唔算辛苦，反而拍入火場嘅戲份難啲，因為我有血壓高，背住工具入火場都幾辛苦，有乜唔妥我會即刻走番出嚟。」至於王喜則笑言：「我都係水人，但嘉穎應該係超級水人，我只係中級。」
採訪、攝影：王連連