混血名模AnaR.及有「翻版關之琳」之稱的Jocelyn前晚現身會展，為香港時裝節行騷。AnaR.剛與男友Mr.P歐遊三個月，問她會否效法Jocelyn結婚？她表示：「自己未ready，要等righttime、rightguy，喺21歲時媽咪都有催我結婚，不過𠵱家我細佬生咗兩個小朋友，就冇再催我。」
問AnaR.會否考慮做未婚媽媽？她表示：「應該唔會，因為自己出世後父母先結婚，之後五，六年就離咗婚，可能仲未真正了解，不過如果意外有咗嘅話，就算男友唔想要，我都會生個BB落嚟。」
𡃁模搶食冇咁易
AnaR.透露在避孕方面十分小心，她說：「好多女仔唔識保護自己，啲男人成日話避孕套唔啱size唔肯戴，呢啲係bullsh×t，女仔千祈唔好信，所以我一直都有食藥同叫對方戴套，試過有男友話唔想戴套，我同佢講nosex。」此外，對於𡃁界女模搶灘，她笑言：「佢哋有好靚嘅面孔，可以拍戲同做護膚品代言，不過自己好難想像Valentino同Gucci會搵佢哋做騷。」
採訪：羅慧敏
攝影：仇志德