林峯、鍾嘉欣、蕭正楠等昨日在奧海城出席奧運展覽宣傳活動。日前吳鎮宇在電台大爆無綫有女藝人向他哭訴拍劇要靠關係，據悉此人便是胡杏兒，並批評新晉演員演技水平下降，林峯和鍾嘉欣乃無綫愛將，深得高層厚愛，林峯獲悉後即說：「黐線啦，套劇都拍完咁耐，一聽就知流啦，監製畀機會你，得唔得就睇你做出啲乜，稱職咪再用你，唔會係靠高層，佢哋唔會干涉製作部。」
新人唔熟好正常
鍾嘉欣則說：「你有潛力公司就會畀機會，做唔到識得高層都冇用，新人頭幾年演技未摸熟好正常，冇可能一嚟就識。」此外，廖碧兒昨到九龍灣為其三頭愛犬舉行生日會，對於吳鎮宇指電視台新人沒演技，她說：「戲係要時間去練，我初初入行都好多NG，但好多謝前輩指導，同埋觀眾畀機會。至於係咪靠關係就得，咁講啦，藝人都需要第一個機會，不過到第二、三次嘅時候就真係要靠自己，邊個都幫唔到你。」
採訪：卓寶花、攝影：仇志德