謝賢（四哥）在明晚播映的《向世界出發》之《風流．快活．墨西哥》中，罕有地提及與霆鋒的父子情。四哥指02年霆鋒因頂包案還押監房，是作為父親的一生最痛。
四哥說：「我每日都有探佢（霆鋒），隔住玻璃我同佢兩隻手掂住，眼淚喺心裏流。霆鋒寫過封信畀我，佢話：『頂得住、撐得住，Ihaveyourblood。』睇到自己都好感觸。」四哥說時也忍不住落淚。他又說：「我都有話楊受成（英皇娛樂老闆），霆鋒一出道楊受成就縱壞佢，搵成四、五個保母跟住佢，卒之真係縱壞咗，做咗啲錯事，但係呢啲錯事對佢可能係好事，咁佢先至清醒番、成熟咗。」
歡迎栢芝加入
提到06年霆鋒與張栢芝秘密結婚，為人父母的四哥與狄波拉（拉姑）事前毫不知情，四哥說：「拉姑係有啲誤會，但栢芝一落機就即刻跪地斟茶畀我哋飲，霆鋒就喊住講：『老婆可以有好多個，但父母只得一個，雖然我哋結咗婚，但你都要對老爺奶奶好。』」四哥慶幸霆鋒娶到一個愛他愛到發癲的老婆，揚言歡迎栢芝加入謝家外，更多謝她為謝家添了名乖孫。