樓市觀望氣氛濃厚，不少業主主動調低叫價，成功吸引用家，即使近日天氣不穩，本周末50大屋苑預約睇樓量亦僅跌1.2%。
利嘉閣研究部資料顯示，本周末全港50個指標屋苑共錄2461組客戶預約睇樓，較上周的2491組微跌1.2%。其中，港島區由於有多個藍籌屋苑叫價較上周回軟2%至3%，買家圖執平貨，多願冒雨睇樓，故本周預約睇樓量仍維持升勢，較上周增1.3%。美聯分行營業經理李聖智表示，柴灣杏花邨現約有400個放盤，每呎叫價6000元，較上周平均叫價6200元回落約3.2%，不少準買家認為減幅可觀，遂四出搵筍盤，刺激本周預約睇樓量較上周增多約40%，當中用家比例佔90%。
九龍及新界區整體睇樓量則分別較上周減少2.3%及1.7%。美聯高級營業經理黎洛文稱，雖然觀塘麗港城和藍田滙景花園的業主俱肯減價2%放盤，但預約睇樓客均減少10%。紅磡黃埔花園、九龍灣德福花園及大角嘴維港灣亦分別下跌3%至12%不等，但德福花園有大比例用家睇樓。
新界方面，沙田第一城及火炭銀禧花園睇樓量分別上升9%及6%，但青衣盈翠半島、荃灣麗城花園及天水圍嘉湖山莊跌6%至12%，拖低整體睇樓數字，將軍澳新都城的睇樓客中95%佔用家。