陳曉東一直不承認與裴唯瑩的戀情，想不到他連講也不願講，更為此黑面。前晚他出席活動被問及遭偷拍到帶裴唯瑩返家，東東先表示不回應，再問下去時他更生氣謂要終止訪問，及後談到工作才回復笑臉。
陳曉東與內地女星裴唯瑩的緋聞傳了多年，二人都沒有承認，只堅稱是好友關係。裴唯瑩於今年5月被拍得特地來港探東東，報道指二人為避狗仔隊，留在東東租住的紅磡海灣軒酒店式住宅內共處數日，並指男方為怕戀情影響事業才拒絕公開。
連番晦氣拒答
東東前晚與關心妍、裕美及賈曉晨等於鑽石山荷里活廣場出席「黃大仙青少年滅罪抗毒匯演」，談到被拍得與裴唯瑩拿着蛋糕返家的照片，東東不悅地說：「兩個月前嘅嘢唔使回應，公仔書期期都出，講完A又講B，我冇睇，冇興趣呀。」問到二人是否分隔兩地很久才能共聚？東東說：「唔使問喇！」以後會否小心出入防範狗仔隊？東東即黑面說：「唔答呀，問完未呀？都話唔答喇。」問他是否很愛吃蛋糕？他更發脾氣說：「呢個訪問可以結束，除咗工作嘅嘢，我冇嘢可以交代，私人事唔答，好悶呀，我唯一可以講嘅係唔需要為一本雜誌同緋聞去宣傳。」
JJ身材勝傅穎
後來問及東東的工作，他才重現歡顏，並表示暫未知擔任滅罪之星會有甚麼任務。談到蘋果iPhone3G，東東謂之前也有用過，他買電話會考慮聽歌質素而非價錢，假如新出的電話功能上有進步或許會買。
此外，賈曉晨（JJ）稍後會推出寫真集，有指其身材比傅穎（Theresa）好，JJ說：「我冇諗過，佢都有鍾意佢嘅fans，大家唔同市場，我自己身材好勻稱，Theresa都好好，皮膚好靚。」JJ謂暫未打算穿三點式出來宣傳，因她覺得很尷尬。有指她經常出席活動都被抽水，JJ說：「唔覺呀，搭下膊頭唔叫抽水啩。」
採訪：王崇穎
攝影：陳順禎
