立法會選舉提名期在即，公民黨今日搶先舉行誓師大會，由於近日天氣極不穩定，大會要由室外移師室內，本來喺文化中心舉行，最後借到一間小學禮堂，承諾做年輕從政者「導師」嘅陳太，今日都會到場為公民黨站台。
該黨派出全男班出選新東，頭位湯家驊唔放過展示歌喉機會，包辦曲、詞作咗首《普選進行曲》做競選歌，噚日同拍檔曾國豐、曾健超一齊錄音，佢哋水平如何，大家日後聽到後可自行評價。
出選九龍西嘅毛孟靜噚日應電視台邀請，同民建聯李慧琼、梁美芬同台較量，大家以為李慧琼係地膽，點知佢對地區問題一條都唔識，毛孟靜則淨係贏知名度，呢方面，「鼠王芬」應該檢討吓。