陳百祥（阿叻）、謝寧與顧紀筠昨日接受新城訪問，最近有指尹志強病情惡化，需要卧床插喉，阿叻被問到老友病況？阿叻謂：「好朋友唔使成日刻意探嘅，佢𠵱家身體當然冇做運動員時咁好啦！」問到尹佬是否要插喉？他說：「咁佢個鼻有事咁多年，有啲部位會衰退，咁要靠呢樣嘢（指插喉）畀營養，生老病死一定會發生，最緊要佢舒服同心情開朗。」米雪透露尹佬願望最想去睇奧運，阿叻謂：「咁我可以完成佢呢個願望，幫佢去睇奧運。」
此外，有觀眾投訴阿叻在主持無綫歐洲國家盃時，不時對德國冷嘲熱諷，阿叻解釋：「𠵱家對投訴文化習慣咗，我會處之泰然，我捧荷蘭同西班牙，當然會針對德國，要搞吓氣氛，我依然會做番自己，最衰喺無綫播，喺now播，就冇咁多人投訴。」
採訪、攝影：胡比