身為劉嘉玲好友的何超瓊，昨日表示沒有特別看過嘉玲談及18年前被擄的報道，她說：「係佢私人嘢，佢交代咗就OK，我諗我唔會comment，都唔想comment。作為朋友，佢做任何事，任何決定，我都會支持嘅！」嘉玲另一好友榮文蔚則說：「以前冇聽過佢講，都唔會特別問，佢好勇敢，佢肯講出嚟，一定有佢自己嘅理由。」
堅強面對困難
昔日經常在無綫劇集中飾演嘉玲及梁朝偉母親的蘇杏璇，昨日指嘉玲成長了不少，她說：「佢第一套劇《再版人》係我做佢阿媽。」對於嘉玲在訪問中表示事發時不停念經，蘇杏璇說：「我當年拍劇時都有同佢講，有乜嘢事念經就可以救苦救難，可能當時佢有聽我講喇。我覺得佢講出嚟係成長咗，每個人都有高有低，唔係佢自己想㗎，佢咁樣可以提醒人遇到困難時，點去度過繼續走向正途，堅強面對。」
此外，有指嘉玲事發當晚，曾志偉事後也有趕到苗僑偉家中，記者昨日致電向他求證時，他不願回應，但就讚揚嘉玲勇敢。志偉說：「佢選擇結婚前將呢件事講出來，證明呢件事一直以來對佢所造成嘅傷害終於可以釋放出嚟，嘉玲係一個好好嘅朋友，我當然會支持佢。」
採訪：王崇穎
攝影：陳俊強