一代法國「黃金」射手查斯古特宣佈退出國家隊，都幾令人欷歔。當查斯古特見到杜明尼治喺08年歐國盃之後俾人鬧到隻狗咁，以為佢俾人炒咗可以入選番啦。點知人算不如天算，杜明尼治咁都「死唔去」，查斯古特都知道自己無碇企，索性「劈炮」唔玩囉！查斯古特走咗當然係可惜，不過次次無份入選咁無癮，𠵱家自己抽身都係一種解脫嚟嘅。