羅馬王子返嚟啦！托廸自4月19日對利禾奴場波傷咗之後，原本做完右膝手術，預計要唞8個月咁耐，不過佢周二終於可以首次落場掂波，認真可喜可賀。原來今次係托廸獨自一人落番球場訓練，因為羅馬嘅季前操練兩個禮拜後先正式開始，呢位31歲球星話想快啲操起狀態喎！不過佢最快9月尾先出得番，季初唔使預佢，隊友靠你哋喇。