法國國腳加拿斯都可以話係見慣大場面，不過都被環法單車賽嘅觀眾嚇親！話說加拿斯前日諗住喺環法賽感受一吓現場氣氛，仲親自揸咗㗎單車落場跟住法國車手卓雲奴尾，望見成千上萬嘅觀眾，加拿斯都好愕然咁話：「有人話我知呢度有成10萬人圍觀，唔係咁堅吓話！」加拿斯仲話自己細細個已經係單車fans，唔知佢有冇興趣轉行呢？