孫祥日前喺奧地利維也納第一次以正選左閘身份喺主場上陣，內地傳媒仲煲到佢天上有地下無，又話佢啲罰球、傳中都好有威脅。不過講番場波嘅賽果，奧地利維也納幾經辛苦先喺下半場憑一球12碼，以1:1迫和上季僅僅護到級嘅奧地利卡爾頓，算係爆出個小冷門。如果孫祥真係咁得，球隊應該一早贏咗波啦，中國傳媒都係唔好俾咁大壓力佢好啲喎！