先後兩次效力阿特蘭大嘅前意大利國腳韋利，今夏俾費倫天拿棄用後，再獲前者收留，惟該隊絲粉卻極力抗議「反骨浪人」回流。周三約有120名球迷聚集喺球會訓練場外舉起不滿標語，甚至有赤裸半身嘅彪形大漢用膠樽追打韋利嘅座駕，睇嚟「反骨浪人」今季有排捱，但佢依然毫無懼色話：「我從來唔理人點睇！」果然係性格球星。