當下全俄羅斯最炙手可熱嘅「沙皇」艾沙維，分分鐘跳草裙不遂而變成「冰封沙皇」！事關歐協盟主辛尼特，雖然一口拒絕咗巴塞開價，但上仗聯賽唔見艾沙維蹤影，或係雪藏嘅序幕，加上球隊大勝對手5:1，更加證明辛尼特唔係冇佢唔得；一旦艾沙維繼續扭計，而又冇球會肯出到辛尼特心目中嘅價錢，「沙皇」餘下賽季聽入「冰格」都似！