阿士東維拉領隊奧尼爾近排應該幾忙，一方面要處理巴利嘅轉會，另一方面四處物色良將，據講，車路士中場薛維爾隨時加盟。奧尼爾處理人事上嘅嘢已夠煩，點估到連練波都受不速之客騷擾。話說禮拜一維拉操練時，有兩隻嚟自球會附近農場嘅洛威拿闖入搞搞震，令到球員操唔到，要勞煩捉狗隊帶走呢兩位不請自來嘅「客」。換轉我係奧尼爾，肯定激死。