香港花旗集團噚日公佈，香港區行長林森成被派去日本NikkoCitigroup做CEO後，個位由章晟曼（圖）頂上。據華華所知，林森成一個禮拜前先走，一班同事都有同佢farewell。
至於章晟曼兩年前先加入花旗，擔任環球銀行副主席兼公營機構部主席，佢亦搬咗去紐約，到06年10月嚟香港，做埋亞太區企業及投資銀行部首席營運總監，又繼續兼任埋環球銀行副主席。今次佢出任香港區行長，仲要兼任埋亞太區總裁，又扔唔低環球銀行副主席一職，所以家陣係一身兼三職。
今年50歲嘅章晟曼係上海人，喺復旦大學畢業後出國到加拿大留學，喺哈佛大學進修過高級行政人員嘅課程，佢嘅工作履歷唔嘢小，喺世銀孭過唔同職務，包括營運委員會及公司欺詐與腐敗政策委員會主席等。
再之前就做世銀秘書長及中國執行董事。加入世銀前，佢做過中國財政部，可以話係官員出身。