名模陳沛嘉（Balia）與男友彭文堅拍拖養尊處優，甚少以模特兒身份開工，面對近年外籍模特兒搶灘，身為長輩級港模的Balia也十分感慨，揚言本地模特兒應團結一致，支持本地時裝設計師，否則大家只會變成恐龍絕種的命運。
明愛白英奇專業學院前晚在灣仔會展舉行畢業時裝騷，由陳沛嘉、周倩圯及大量外籍模特兒行騷，其中自與男友彭文堅拍拖，甚少工作的Balia示範了一件低胸性感背心，十分落力，Balia說：「今日好開心，之前應承兩班同學行騷，擾攘咗八年，自己都唔敢再應承下一屆嘅學生，因為我要留番另一個四年畀Dickson（指男友）。」
「以為去咗外國」
設計中，以Balia示範的最性感，她說：「自己做足安全措施，今日行騷先發覺本土模特兒好少，所以想身體力行支持本地，希望唔好俾外國人入侵，好似今日行騷得幾個中國人，以為自己去咗外國，再係咁，香港模特兒就快變恐龍。其實香港都有好多有實力嘅模特兒，所以個個要齊心，一個人撐唔到，同埋要多啲支持本地時裝設計師，好似丘雪祺、林樹彬等。」
周倩圯自爆屙血
此外，久未露面的周倩圯自爆近月大病纏身，她說：「因為前排大病，有一晚腹痛，即入了急症室打針食藥，有屙血情況，大便黑色，𠵱家都係食住藥先，兩個禮拜後就會入院bodycheck，醫生話可能腸損咗，腸道有出血症狀，勸我多啲休息，不過自己好耐之前已經接咗呢個騷，前晚綵排時都出現腳抽筋。」
採訪：JessicaNgan
攝影：DickyChan
