樂壇新晉唱作歌手區俊濤的胞兄區俊傑，前日涉嫌危險駕駛、酒後駕駛及交通意外不顧而去，於東區走廊失控撞死曾任車隊技術總監的馬來西亞籍前電單車手，其兄事後准以一萬元保釋。區俊濤昨一臉愁容出席活動，透露兄長對車禍感到內疚，雙親更着他承擔責任。
區俊濤的胞兄區俊傑前日涉危險駕駛、酒後駕駛及交通意外不顧而去，並懷疑因為逃避檢控而高速逃走，在東區走廊失控，撞死曾任車隊技術總監的馬來西亞籍前電單車手JohnDesmondHew。事後區俊傑准以一萬元保釋，區俊濤昨日則如常工作，以活動大使身份到中區紅棉路香港公園體育館出席「2008中西區青少年暑期活動開幕典禮嘉年華」，但全程笑容欠奉，顯得心事重重。
承擔責任
區俊濤昨在三名助手陪同下現身，對於胞兄現時情況，他表示前日已與哥哥見面，他說：「佢離開差館就上咗我屋企，佢好唔開心，成個人呆咗。我都戥佢難過，因為我哋關係好close。哥哥好內疚，因為死咗人，又禍及人哋屋企，父母已經知道呢件事，仲叫哥哥要承擔責任。」
對於哥哥涉及酒後駕駛，區俊濤說：「仲調查緊，佢自己就冇同我講過有冇飲酒，而且件事由警方處理，平時佢飲完酒都會喺酒吧瞓覺休息吓先，或者搭的士。我自己從來就未試過酒後駕駛，因為酒後判斷力一定冇咁好。」問到會否向死者家屬作出賠償，區俊濤稱要待警方調查完才決定。
交換車用
對於哥哥最壞打算是否坐監時？區俊濤默然說：「我當然希望佢冇事，睇吓個官點判，同埋睇吓差人點控告，因為仲未落charge。哥哥好堅強，雖然未知點判罰同唔知對錯，但係佢會承擔責任。」區俊濤表示胞兄仍屬單身，並打理車行，他相信事件會影響兄長的心情，但估計車行仍會繼續經營。至於今次肇事車輛富士SUBARU本屬區俊濤，但因和哥哥交換車用而出事，他透露該車是二手買回來，未曾作過改裝。
採訪、攝影：駱華齡
人物誌：參加歌唱比賽入行
區俊濤是07年樂壇新人，由澳洲墨爾本留學返港，其後參加歌唱比賽而入行，曾推出個人專輯《任我飛》，是由漢傳媒集團旗下的漢音樂發行，該公司的旗下藝人有賈曉晨（JJ）及裕美等。