今次獲「波子」Porsche代理邀請往德國試全新911，試車之餘更可以話係首批傳媒一次過參觀兩間波子廠，絕對係大開眼界。到訪德國之時，正值踢緊歐洲國家盃，隨行傳媒行家及當地人都非常投入，事關德國將於行程第四日晚同土耳其開波爭奪決賽一席位，於是乎隨街都係兩國支持者嘅國旗。大家仲講笑咁話，望都望德國贏，如果唔係之後日子難捱，人人都無好臉色喇。當日德國不負眾望勝了土耳其，同時亦係我首次身處代表國入面，感受到國民嘅熱烈興奮兼情緒高昂，真係好開心，回心一諗，好彩唔係爭歐國盃冠軍時到訪德國啫！
記者：梁美甜
鳴謝：Jebsen&Co.MotorsLtd-PorscheCentreHK